Шупашкарӑн тӗп архитекторӗ Павел Корнилов ҫӗнӗ должноҫ йышӑннӑ. Вӑл халӗ строительство министрӗн ҫумӗ тата Чӑваш Енӗн тӗп архитекторӗ пулса тӑнӑ.
Павел Петрович 1989 ҫулта ҫуралнӑ, И.Н.Ульянов ячӗллӗ ЧПУ пӗтернӗ. Шупашкарӑн тӗп архитекторӗнче вӑл 2021 ҫултанпа ӗҫленӗ.
Сӑмах май, унччен республикӑн тӗп архитекторӗ Алена Протасевич пулнӑ. Ӑна контракт вӗҫленнӗ хыҫҫӑн ӑна тӑсса паман.
Чӑваш Енри юсанмалли учрежденисенче саккуна пӑхӑннине тӗрӗслесе тӑракан Шупашкарти прокурор пулма Евгений Алексеева ҫирӗплетнӗ. Приказа Раҫҫей Федерацийӗн генпрокурорӗ алӑ пуснӑ.
Евгений Алексеев 1975 ҫулта Шупашкарта ҫуралнӑ. 1998 ҫулта Чӑваш патшалӑх университетӗнчи юридици факультетӗнчен вӗренсе тухнӑ хыҫҫӑн прокуратура тытӑмне ӗҫе вырнаҫнӑ. Шупашкра хулинчи Калинин районӗнче прокурор пулӑшуҫи, аслӑ пулӑшуҫи, прокурор ҫумӗ пулнӑ. Унтан республикӑн прокуратурине куҫарнӑ. 2021 ҫултанпа вӑл Шупашкарти Ленин районӗн прокурорӗн ҫумӗ пулнӑ.
Улатӑрта депутатсен пухӑвӗ иртнӗ. Унта хула пуҫлӑхӗн Павел Арининӑн шӑпине татса панӑ. Кун хыҫҫӑн вӑл должноҫӗнчен кайнӑ.
Павел Аринина ҫу уйӑхӗн 30-мӗшӗнче Шупашкар ҫывӑхӗнче видеокамера ӳкерсе илнӗ, вӑл хӑрушсӑрлӑх пиҫҫиххипе ҫыхӑнман. Унпа юнашар хӗрарӑм ларнӑ. Салонра темӗнле ӗҫ, интимлӑ евӗрскер, пулса иртнине те ӳкернӗ камера.
Тӗрӗслев хула пуҫлӑхӗ этика нормине тата служащисен йӗркине пӑснине палӑртнӑ.
Чӑваш Енӗн Конкурентлӑ политика тата тариф патшалӑх службин ертӳҫи пулма Сергей Егорова ҫирӗплетнӗ.
Хушӑва республика Элтеперӗ Олег Николаев ӗнер, ҫӗртме уйӑхӗн 27-мӗшӗнче, алӑ пуснӑ. Документа республикӑн влаҫ органӗсен официаллӑ порталӗнче вырнаҫтарнӑ.
Чӑваш Енӗн тӗп архитекторӗ – ЧР строительство министрӗ ҫумӗ Алена Протасевич ӗҫрен кайнӑ. Вӑл ӗҫрен кайни пирки хушӑва паян, ҫӗртме уйӑхӗн 21-мӗшӗнче, алӑ пуснӑ. Ку должноҫре вӑл виҫӗ ҫул ӗҫленӗ.
Алена Протасевич Строительство министерствине 2021 ҫулхи ҫӗрте уйӑхӗнче килнӗ. Уннчен вӑл Шупашкарти «Классика» тулли мар яваплӑ обществӑра архитекторта ӗҫленӗ.
Халӗ строительство министрӗ виҫӗ ҫум юлнӑ: Владимир Максимов, Екатерина Филиппова тата Алена Александрина.
Паян Шупашкар пуҫлӑхне суйланӑ. Депутатсем Владимир Доброхотова ҫирӗплетнӗ. Вӑл унччен пуҫлӑх тивӗҫӗсене пурнӑҫласа пынӑ.
Аса илтерер: конкурс иртессине пӗлтерсен пилӗк кандидатран заявка килнӗ. Ҫӗртмен 7-мӗшӗнче конкурс комиссийӗ тӑватӑ кандидата хӑварнӑ. Ҫӗртмен 11-мӗшӗнче собеседовани ирттерсен икӗ кандидат финала тухнӑ: Владимир Добрхотов тата ЕДДС пуҫлӑхӗ Александр Малов.
Ҫак икӗ кандидатурӑран паян депутатсем Владимир Доброхотова суйланӑ. Ҫапла вӑл присяга тытса должноҫре ӗҫлеме тытӑннӑ.
Чӑваш Енри аслӑ шкул преподавателӗ пилотсӑр вӗҫекен аппаратсен операторӗ пулма вӗренет.
«Раҫҫейри ӗҫ» Кӳкеҫри кадр центрӗ ӗҫсӗр 9 ҫынна ҫӗнӗ профессие алла илес кӑмӑллисен 9 заявленине суйласа илнӗ. Вӗсенчен виҫҫӗшӗ вӗренме пуҫланӑ та ӗнтӗ.
Чӑваш патшалӑх университетӗнче преподавательте тӑрӑшакан Николай Федоров пилотсӑр вӗҫев аппарачӗсен операторӗ пуласшӑн. Ҫӗнӗ ӗҫе вӑл икӗ уйӑхра алла илӗ. Ун хыҫҫӑн пӗлӳпе ӗҫре тата наука тӗпчевӗсенче усӑ курасшӑн.
Ҫӗрпӳ администрацийӗн пуҫлӑхӗ Владимир Петров ӗнер отставкӑна каясси пирки пӗлтернӗ. Ӗнер унӑн ку должноҫре юлашки ӗҫ кунӗ пулнӑ.
Хӑй каланӑ тӑрӑх, вӑл паянтан урӑх ӗҫре тӑрӑшма пуҫлать. Ӑҫтине хальлӗхе пӗлтермен. Вӑл хула депутачӗсене пӗрле ӗҫленӗшӗн тав тунӑ.
Владимир Иванович Ҫӗрпӳ администрацийӗн пуҫлӑхӗнче 2020 ҫулхи авӑн уйӑхӗн 18-мӗшӗнченпе ӗҫленӗ.
Ҫӗртмен 7-мӗшӗнче Шупашкар пуҫлӑхне суйлассипе конкурсӑн пӗрремӗш тапхӑрӗ иртнӗ. Кам йышӑнӗ-ха ку пукана? Ҫакна ыран палӑртӗҫ.
Малтан кандидатсене 12 ҫынран тӑракан комисси пӑхса тухӗ. Унтан темиҫешне Шупашкар хула пухӑвӗн депутачӗсене пӑхса тухма парӗҫ.
Конкурса 5 заявка килнӗ. Вӗсен йышӗнче – халӗ Шупашкар пуҫлӑхӗн тивӗҫӗсене пурнӑҫлакан Владимир Доброхотов, ЕДДС пуҫлӑхӗ Александр Малов, Шупашкарти тӗп клуб тытӑмӗн директорӗ Александр Матвеев, Яна Николаева тата Владимир Кириллов.
Комисси тӑватӑ кандидатурӑна конкурса хутшӑнма суйланӑ.
2023 ҫулччен ЧР строительство министрӗ пулнӑ, кайран вице-премьер тилхепине тытнӑ Павел Данилова Мускавра тытса чарнине Чӑваш халӑх сайчӗ унччен пӗлтернӗччӗ-ха.
Аса илтерер: Павел Данилов сӗтев илнӗ тесе шухӑшлаҫҫӗ. Вӑл Чӑваш Енӗн Ипотека корпорацийӗн гендиректорӗнчен Алексей Антоновран 32 миллион тенкӗлӗх сӗтев илнӗ тесе шухӑшлаҫҫӗ. Ҫавӑншӑн вӑл хӑш-пӗр организаципе патшалӑх контрактне йӗркелеме пулӑшнӑ имӗш.
РФ Следстви комитечӗн Чӑваш Енри управленийӗнче пӗлтернӗ тӑрӑх, суд Павел Даниловпа Алексей Антонова арестленӗ. Павел Данилов преступленилле ытти ӗҫе те тунӑ тесе шухӑшлаҫҫӗ.
Пуҫиле ӗҫӗн фигуранчӗсен пурӑннӑ вырӑнта ухтарнӑ, ӗҫпе ҫыхӑннӑ япаласемпе документсене туртса илнӗ, вӗсен банк счёчӗсене, куҫман пурлӑхне, автомобилӗсемпе мототранспортне пурӗ 74,7 миллион тенкӗлӗх арестленӗ.
+3.7 °C